2006年2月14日的日記

今日係情人節，我的情人容許我遲起身，所以我好開心可以訓到十一點至起床。之後，我去左我男朋友的新居收拾下，佢一早就起身煲左腐竹糖水俾我，因為我最近唔夠訓，個人比較燥熱。我地仲係屋企食左個情人節午餐出前一丁公仔麵，然後我地就出左去行街街。

今日下午我地去左行一個全墨爾本第二大的商場，叫做Knox City。我地今日行街都算豪了，買了兩件FILA的粉紅色Tee，仲即時換來著，實行情侶裝的行街街。而且係三點三下午茶的時間，一齊食左份pancake(其實同香港旺角女人街賣的Q餅一樣，只是價錢貴左六倍)。好開心，好耐無試過甘舒服、甘休閒的拍拖了，無壓力和無吵架的一天，我真是很期望每一天都能夠這樣過。

不知為什麼，發覺要做的事多了很多，除了是因為我男朋友的新居有好多野要收拾之外，我學業上的東西都停滯不池，總是沒有心機做事似的。難道是因為生活太休閒的原故？我覺得自己缺乏了衝勁似的，做任何事都不上心，明知有很多事等著我去做，明知自己唔應該去拖住唔做的，但總是沒有做到。真的希望自己能夠快d收心養性去開始做野！