2006年2月28日的日記

今日，好少有的我能夠係個鐘響之前醒左，最主要的原因係我一早被凍醒了。所以我今日可以食我homestay mother親手弄的早餐(平時因為我成日趕住返學而無食到早餐)。今日第一堂在8點鐘準時開始，這科是elective的科目，叫做Micro/Nano Solid and Fluid Mechanics。好老實講句，我真的唔知呢科係什麼東東，也不是我想讀的，但我做的final year project個supervisor叫我take呢科，甘我就take左。這堂課歷時兩小時，我幾乎完成唔知做緊什麼，也唔明個lecturer教什麼。我只是知道，上這個subject的學生只有20多人，有大半是讀aerospace的(也就是好勁的學生)，其餘我見過下的同學，他們的成績也是好好的，所以我的壓力也突然間變大了。而且，我發現這個subject最主要係讀一些關於biology和chemistry的東西，讀一些關於atoms和一些好科學的東西，完全沒有數學在內的。唔單止甘，讀呢科的學生仲要做一個individual的project research，自己做實驗去考察這些粒子…呢d跟本完全唔係我的強項，也不是我想讀的東西，仲要呢一科今年新加的科目—也就是說是沒有past paper可言，甘叫我點讀呢？可能是我太了解我自己了，一向成日tip past paper的我，沒有past paper，仲要我成日寫一大段essay和做research，我一定不會想讀，也一定讀不到的。究竟我好唔好明天一早去取消這個subject唔讀，選過其他容易的東西來讀呢？

今年我已經overload了，假如我再take埋一些無信心合格的科目，真的會浪費我的時間和金錢。但其實這科真的好有挑戰性，因為是教學生怎樣把東西設計到越來越細件，好似比針仲細的東西。其實這些都是而家甚至未來的社會將會普及的東西，讀完之後，搵到工的機會都好大。我而家都唔知應該點做好。

由早上8點直去到中午12點，我都一直上lectures。下午我去左Camberwell度教琴，教個兩個十幾歲的學生。但由於三至四點有好多學生放學的關係，令到好多地方都堵車。經過我一路駕車，一路看地圖去找細街仔行，結果我用了一小時才到達(平時我只用20分鐘就到)。可憐的我仲要途中唔小心甘”絲”破了地圖=.= 簡直好黑仔呀！

由於今個semester的timetable都幾full的關係，我的教琴時間又轉了，以下係我的時間表︰

星期一︰9am-4pm返學

星期二︰8am-1pm返學

星期三︰9am-1pm返學，下午教琴(教兩個)

星期四︰9am-6pm返學

星期五︰2pm-6pm返學，7pm-9pm返教會的團契

星期六︰2pm-5pm教琴(教5個)，5:30pm-7:30pm返教會練歌

星期日︰返教會，下午通常開會

原來我一星期可以休息的時間真的很少…我真係好驚自己會捱不下去，希望我有這份毅力和堅持去完成這最後一年吧！