2006年3月8日

不知不覺，已經有好多日沒有寫日記了。各位關心我的朋友們，真的很對不起！小妹真的是忙透了！由於而家病倒了，所以叫做有少少時間靜下來寫日記。

首先，要問問你們都好嗎？

To Sa:   你英國個邊仲係甘凍？要多穿衣服呀！我雖然沒有打日記，不過都有睇你的xanga ga！

To Janice:  你個邊又如何? 快讀完嗎？你就好啦，畢業了，我還在讀呢！不過我而家final year，年尾畢業，但我今年七月唔返，因為無假期。不如你問下Sa啦~她七月會返香港呢~

To 師傅:   你份工而家怎樣？有決定嗎？好擔心你，記住通知我一聲如果你有決定，等我support下你麻！

To 阿樑:   聽”人”講你近排好好火，有無事呀？好耐唔見你icq，還好嗎？

我成個星期都是忙一樣東西—就是我的學業，真的是忙透了。上個星期一先開學，但我今個星期五已經有兩份功課要交了！4th year真的是4th year，待遇是不同的！呢幾日我條頸勁痛，起初我以為自己的睡姿唔好，因為我成日都會有頸痛(應該學我男朋友話我甘，我身上沒有一處是正常的，成日呢度痛個度痛)。今日上堂時好無聊地摸自己條頸，至發現自己條頸生左一粒好似紅豆一樣大的”扭”，而且好痛。於是我一落堂就走去學校的health centre看醫生，但因fully book的關係，於是打消了念頭。之後我同我男朋友講，他帶了我去看中醫(我契家姐介紹的)。中醫話我的”林巴”生了”扭” 仲要唔係生了一粒，有成五至六粒像紅豆一樣大的”扭”，加加埋埋都有成兩寸長。這由於我”林巴”發炎，個肝燥熱所引致的。而家仲要飲那些幾碗煲成一碗的中藥，真的要命！而家只要少少利用度條頸便已經可以痛死我了。想不到開學兩星期已變成這樣，而家我條頸和手都盡可能把動作減低，已避免不必要的痛楚。